بھارتی شادیوں میں نیا رجحان، میگی اور میکڈونلڈز بھی شادی کے مینیو کا حصہ بن گئے

بھارتی شادیوں میں کھانوں کا تصور اب محض وسیع بوفے اور مہنگے مینیو تک محدود نہیں رہا بلکہ نئے جوڑے اپنی تقریب کے مینیو میں اپنی محبت، بچپن کی یادوں اور مشترکہ تجربات سے جڑے پکوان شامل کر رہے ہیں۔ روایتی چاٹ اور لائیو اسٹیشنز کے ساتھ ساتھ اب شادیوں میں میگی، میکڈونلڈز، ہائی وے ڈرائیو تھرو اور پسندیدہ کافی شاپس کے خصوصی کاؤنٹرز بھی لگائے جا رہے ہیں۔ اس نئے رجحان کے تحت دونوں خاندانوں کی روایتی ترکیبوں، نانی اور دادی کے ہاتھ کے مخصوص کھانوں، نیز بچپن کے اسنیکس پر مشتمل ‘چکھنا ٹیبل’ کو خاص جگہ دی جا رہی ہے۔ بعض جوڑے ہر ڈش کے ساتھ اس سے جڑی کہانی کی مختصر وضاحت بھی شامل کرتے ہیں تاکہ کھانا محض ایک غذا نہیں بلکہ جوڑے کے رشتوں اور یادوں کی عکاسی کرے۔