کائنات کے آغاز کے مطالعے کیلئے مختصر ترین بگ بینگ تخلیق

سائنسدانوں نے کائنات کے آغاز کے مطالعے کے لیے تاریخ کا مختصر ترین ‘بگ بینگ’ (مائیکرو بگ بینگ) کامیا بی سے تخلیق کر لیا ہے، جس سے یہ سمجھنے میں مدد ملے گی کہ کائنات کے ابتدائی لمحات میں مادے کی حالت کیا تھی اور وہ کس طرح موجودہ عناصر میں تبدیل ہوا۔ غیر ملکی رپورٹ کے مطابق، یورپی آرگنائزیشن فار نیوکلیئر ریسرچ (CERN) کے ماہرینِ طبیعیات نے آکسیجن-16 اور نیون-20 کے ہلکے ایٹموں کو آپس میں ٹکرا کر ‘کوارک گلوآن پلازما’ (QGP) پیدا کیا ہے۔ اس سے قبل یہ سمجھا جاتا تھا کہ یہ انتہائی گرم اور کثیف مادّی حالت صرف سیسے جیسے بھاری عناصر کے تصادم سے ہی ممکن ہے۔ اس اہم تجربے سے سائنسدانوں کو کائنات کی پیدائش کے ابتدائی مائیکرو سیکنڈز اور مادے کے ارتقائی عمل کا مزید باریکی سے مطالعہ کرنے کا موقع ملے گا۔