مسجد کے باہر بھیک مانگنے والی بزرگ خاتون کے گھر سے لاکھوں روپے برآمد

بھارت کی ریاست کرناٹک کے شہر منڈیا میں ایک متوفی بزرگ خاتون کے گھر سے نوٹوں اور سکوں سے بھری بوریاں ملنے پر مقامی افراد شدید حیرت کا شکار ہو گئے ہیں۔ بھارتی میڈیا کے مطابق حور نامی خاتون، جو گٹالو لے آؤٹ میں رہائش پذیر تھی، کئی برسوں سے ایک مقامی مسجد کے باہر بیٹھ کر بھیک مانگ کر گزر بسر کرتی تھی اور اکثر گھر والوں کے مناسب خیال نہ رکھنے کا شکوہ کرتی تھی۔ خاتون کی وفات کے بعد گھر کی تلاشی کے دوران 30 سے 40 لاکھ بھارتی روپے (پاکستانی روپے میں 87 لاکھ سے زائد) کی رقوم برآمد ہوئیں، جس کے بعد علاقے میں یہ بحث چھڑ گئی ہے کہ خاتون نے اتنی بڑی رقم کب اور کیوں جمع کی تھی