3 ہزار 400 بوسوں کے نشان والی منفرد گاڑی سوشل میڈیا پر وائرل، مالک کو جرمانہ

بھارتی ریاست مدھیہ پردیش کے شہر گوالیار میں ایک شہری کی گاڑی منفرد سجاوٹ کے باعث سوشل میڈیا پر وائرل ہونے کے بعد پولیس کی کارروائی کا نشانہ بن گئی۔ میڈیا رپورٹس کے مطابق گاڑی کے مالک آدتیہ سکاروار کی گرل فرینڈ نے غیر ملکی سوشل میڈیا ٹرینڈ سے متاثر ہو کر گاڑی کی بیرونی سطح پر لپ اسٹک کے ذریعے تقریباً 3 ہزار 400 بوسوں کے نشانات بنائے۔ اس منفرد سجاوٹ میں چار گھنٹے لگے، تاہم تصاویر وائرل ہوتے ہی ٹریفک پولیس نے رجسٹریشن نمبر کی مدد سے گاڑی تحویل میں لے لی۔ پولیس نے ٹریفک قوانین کی خلاف ورزی پر گاڑی کے مالک کا 5 ہزار 500 بھارتی روپے کا چالان کاٹ دیا، جس کے بعد مالک نے اپنی غلطی تسلیم کی اور گاڑی پر لگے تمام نشانات صاف کر کے اسے اصل حالت میں بحال کر دیا۔