LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری سالک حسین کا مریم نواز کو قانونی جواب، 2 نوٹس بھی بھجوا دیے ماسکو پر رواں سال کے بڑے حملوں میں سے ایک ناکام، سیکڑوں ڈرون تباہ بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی 13 سالہ لڑکی کا تشدد سے قتل کیس: پولیس افسر کی اہلیہ اور قاری کا جسمانی ریمانڈ منظور توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ

غیرت کے نام پر قتل کے مقدمے میں راضی نامہ بھی ملزم کو ضمانت کا حق نہیں دیتا: عدالت

Web Desk

25 August 2026

لاہور: لاہور ہائیکورٹ کے جسٹس سید فرہاد علی شاہ نے غیرت کے نام پر 18 سالہ لڑکی نجماں مائی کے قتل کے مقدمے میں فریقین کے درمیان راضی نامے کو مسترد کرتے ہوئے دو ملزمان محمد ناصر اور پرویز کی بعد از گرفتاری ضمانت کی درخواستیں خارج کر دی ہیں۔

عدالتِ عالیہ نے اپنے تفصیلی فیصلے میں قرار دیا کہ تعزیراتِ پاکستان کی دفعہ 311 کے تحت غیرت کے نام پر قتل (کاروکاری) ایک ناقابلِ راضی نامہ جرم ہے۔ عدالت نے واضح کیا کہ قانون یا مذہب کسی بھی شخص کو “غیرت” کے نام پر کسی انسان کی جان لینے کی اجازت نہیں دیتا اور نہ ہی مدعی و گواہوں کا اپنے بیانات سے منحرف ہونا یا حلف نامے جمع کرانا ملزمان کو ضمانت کا قانونی حق دے سکتا ہے۔

مقدمے کا پس منظر یہ ہے کہ 11 جون 2021 کو راجن پور کے تھانہ کوٹ مٹھن میں پولیس رپورٹ پر 18 سالہ لڑکی نجماں مائی کے قتل کا مقدمہ درج کیا گیا تھا۔ ملزمان پر 30 بور پستول سے فائرنگ کر کے نجماں مائی کو قتل کرنے کا الزام ہے، جبکہ انہی کے قبضے سے آلۂ قتل بھی برآمد ہوا تھا۔ ملزمان نے طویل عرصے تک روپوشی اختیار کی اور 27 مارچ 2026 کو گرفتاری کے بعد جوڈیشل لاک اپ بھیجے گئے تھے۔

ایڈیشنل پراسیکیوٹر جنرل پنجاب محمد عبدالودود نے درخواستِ ضمانت کی سخت مخالفت کی، جبکہ عدالت نے اپنے فیصلے میں آئین کے آرٹیکل 9 (زندگی کا بنیادی حق) اور سپریم کورٹ کے نظائر کا حوالہ دیتے ہوئے کہا کہ ایسے سنگین جرائم میں نرمی نہیں برتی جا سکتی۔ ہائیکورٹ نے واضح کیا کہ فیصلے کے نکات عارضی نوعیت کے ہیں اور ٹرائل کورٹ قانون اور دستیاب شواہد کی بنیاد پر مقدمے کا فیصلہ کرنے کے لیے آزاد ہوگی۔