چین کا اسرائیل، فلسطین امن مذاکرات دوبارہ شروع کرنے کا مطالبہ

چینی صدر شی جن پنگ نے اردن کے شاہ عبداللہ دوم سے بیجنگ میں ملاقات کے دوران مشرقِ وسطیٰ بحران کے سفارتی حل پر زور دیتے ہوئے اسرائیل اور فلسطین کے درمیان امن مذاکرات کے فوری دوبارہ آغاز کا مطالبہ کیا ہے۔ انہوں نے واضح کیا کہ ‘دو ریاستی حل’ ہی مسئلہ فلسطین کے حل کی درست سمت ہے اور اس کے لیے آزاد فلسطینی ریاست کے جلد قیام کے ساتھ تمام ممالک کی خودمختاری اور سلامتی کا احترام ضروری ہے۔ چینی صدر نے غزہ اور مغربی کنارے کی پوسٹ وار گورننس میں “فلسطینیوں کی حکمرانی” کے اصول پر عمل کرنے اور عالمی برادری بالخصوص سلامتی کونسل پر شہریوں کے تحفظ اور انسانی امداد کی فراہمی کے لیے موثر کردار ادا کرنے پر زور دیا ہے تاکہ خطے میں جامع اور دیرپا امن قائم ہو سکے