پاکستان خطے میں کشیدگی کے خاتمے کیلئے کوششیں کر رہا ہے: اسماعیل بقائی

ایرانی وزارتِ خارجہ کے ترجمان اسماعیل بقائی نے پاکستان کی سفارتی کوششوں کو سراہتے ہوئے کہا ہے کہ پاکستان خطے میں کشیدگی کے خاتمے اور امن و استحکام کے فروغ کے لیے اہم کردار ادا کر رہا ہے۔ تہران میں صحافیوں سے گفتگو کرتے ہوئے ان کا کہنا تھا کہ اس وقت ایران اور پاکستان کے تعلقات تاریخ کے بہترین دور سے گزر رہے ہیں اور چیف آف ڈیفنس فورسز فیلڈ مارشل کے دورۂ ایران کا بنیادی مقصد بھی علاقائی امن کو تقویت دینا ہے۔ انہوں نے واضح کیا کہ امریکہ نے اسلام آباد معاہدے کی خلاف ورزی کی ہے اور تہران امریکی اقتصادی دباؤ کو کسی صورت قبول نہیں کرے گا۔ ترجمان نے مزید بتایا کہ عمان کے وزیرِ خارجہ سید بدر البوسعیدی بھی تہران کا دورہ کر رہے ہیں تاکہ آبنائے ہرمز کے ساحلی ممالک کے درمیان سیاسی مشاورت کے عمل کو آگے بڑھایا جا سکے۔