ایران 20 سال تک جنگ لڑنے کے لئے تیار ہے: جنرل امیر حاتمی

ایرانی فوج کے سربراہ جنرل امیر حاتمی نے جاری کشیدگی پر سخت موقف اپناتے ہوئے کہا ہے کہ ایران 20 سال تک بھی جنگ لڑنے کے لیے مکمل طور پر تیار ہے۔ اپنے بیان میں انہوں نے واضح کیا کہ دشمن کو کسی صورت کامیاب نہیں ہونے دیا جائے گا اور ایرانی سرزمین کو دشمن کی سازشوں کا میدان نہیں بننے دیں گے۔ جنرل امیر حاتمی نے خبردار کیا کہ ہر قسم کی جارحیت کا دندان شکن جواب دیا جائے گا اور ایران کی خودمختاری و قومی سلامتی پر کوئی آنچ نہیں آنے دی جائے گی، جبکہ دشمن کو ہر محاذ پر ناکام بنا کر شکست کا مزہ چکھایا جائے گا۔