میر رضا علی خان کیس: سندھ ہائیکورٹ کا تحریری حکم نامہ، JIT تشکیل دینے کے حوالے سے قانونی سوالات پر جواب طلب

سندھ ہائیکورٹ کے آئینی بینچ نے میر رضا علی خان کی مبینہ ہلاکت کی تفتیش کے لیے جوائنٹ انویسٹی گیشن ٹیم (جے آئی ٹی) تشکیل دینے سے متعلق درخواست کا تحریری حکم نامہ جاری کر دیا ہے۔ فیروز آباد تھانے میں درج ایف آئی آر 795/2026 کے مطابق متوفی کے والد اور بہن کی جانب سے وکیل جبران ناصر نے موقف اپنایا کہ جائے وقوعہ کو محفوظ نہ کرنے، الیکٹرانک ڈیوائسز کا جائزہ نہ لینے اور خودکشی کے بیانیے کو فروغ دینے سے تفتیش شدید متاثر ہوئی۔ بعد ازاں، قبر کشائی، اسپیشل میڈیکل بورڈ کے معائنے اور کیمیائی تجزیے نے خودکشی کے امکانی بیانیے کو واضح مسترد کر دیا ہے۔ عدالت عالیہ نے سابقہ تفتیشی ٹیم کے طرزِ عمل اور ثبوت ضائع کرنے کے الزامات پر 31 اگست کے لیے ایڈووکیٹ جنرل، پراسیکیوٹر جنرل سندھ اور ڈی اے جی کو نوٹسز جاری کرتے ہوئے جے آئی ٹی کی براہِ راست تشکیل، تفتیشی نگرانی اور سندھ ٹریبیونلز آف انکوائری آرڈیننس 1969ء کی قانونی حیثیت سے متعلق معاونت طلب کر لی ہے۔