سینیٹ اجلاس: 2025 کے سیلاب سے معیشت کو 853 ارب روپے کا نقصان ہوا، PM آفس کا تحریری جواب

سینیٹ اجلاس کے دوران وزیرِ اعظم آفس کی جانب سے جمع کرائے گئے تحریری جواب میں بتایا گیا ہے کہ سال 2025 میں آنے والے تباہ کن سیلاب کے باعث ملکی معیشت کو مجموعی طور پر 853 ارب روپے کا بھاری مالی نقصان برداشت کرنا پڑا۔ ایوانِ بالا کو آگاہ کیا گیا کہ 2025 کے اس قدرتی آفت کے بعد متاثرین کی بحالی اور امدادی سرگرمیوں کے لیے بین الاقوامی سطح پر 23 لاکھ ڈالرز کی امدادی رقم موصول ہوئی۔ حکومت کی جانب سے ایوان میں پیش کی گئی رپورٹ کے مطابق متاثرہ علاقوں میں بنیادی ڈھانچے کی بحالی اور معاشی نقصان کے ازالے کے لیے اقدامات جاری ہیں۔