انٹرنیٹ کا 35 فی صد نیا مواد اے آئی سے تحریر کیے جانے کا انکشاف

پیُو ریسرچ سینٹر کی ایک جدید تحقیق میں انکشاف ہوا ہے کہ چیٹ جی پی ٹی کے اجرا کے بعد انٹرنیٹ پر شائع ہونے والے 35 فیصد سے زائد نئے ویب پیجز میں مصنوعی ذہانت (اے آئی) کی مدد سے تحریر یا ایڈیٹنگ کیے جانے کے واضح آثار پائے گئے ہیں۔ محققین نے گزشتہ پانچ برسوں کے پانچ لاکھ سے زائد انگریزی ویب پیجز کو ‘اوپن پروگرام’ نامی ٹول کے ذریعے جانچنے کے بعد بتایا کہ مجموعی طور پر 10 فیصد پیجز پر اے آئی کا عمل دخل رہا، لیکن حالیہ عرصے میں اس کی شرح تیزی سے بڑھی ہے۔ یہ نتائج ایک ایسے وقت میں سامنے آئے ہیں جب انٹرنیٹ پر انسانی مواد کے بجائے بوٹس اور خودکار نظاموں کے غلبے یعنی “ڈیڈ انٹرنیٹ تھیوری” کے حوالے سے عالمی خدشات میں اضافہ ہو رہا ہے، جس سے مستقبل میں انسانی اور اے آئی مواد کے درمیان فرق کرنا انتہائی دشوار ہو جائے گا۔