کینسر میں مبتلا سانپ کا انسانوں والی جدید تکنیک سے علاج، دنیا کا پہلا کیس

برطانیہ کے چیسٹر چڑیا گھر میں موجود 15 فٹ لمبے اور 50 کلوگرام وزنی اژدھے کو کینسر کا ایسا جدید طریقہ علاج دیا گیا ہے جو عام طور پر انسانوں کے لیے استعمال ہوتا ہے، جسے اپنی نوعیت کا دنیا کا پہلا کیس قرار دیا جا رہا ہے۔ 23 سالہ مادہ اژدھا، جسے ‘جوڈی فوسٹر’ کا نام دیا گیا ہے، کے جبڑے میں فائبروسارکوما نامی کینسر کی تشخیص ہوئی تھی۔ ابتدائی سرجری کے بعد کینسر دوبارہ لوٹنے پر ماہرین نے الیکٹروکیموتھراپی کا سہارا لیا، جس میں مخصوص برقی لہروں اور دوا کے ذریعے کینسر کے خلیوں کو نشانہ بنایا گیا۔ دو آپریٹنگ ٹیبلز کو جوڑ کر کیے جانے والے اس 90 منٹ طویل آپریشن اور علاج کے بعد اژدھا مکمل طور پر صحت یاب ہو چکا ہے اور اس میں کینسر کی واپسی کے کوئی آثار نہیں پائے گئے۔

🌐