جڑواں بھائیوں کی جڑواں بہنوں سے شادی، رسومات جڑواں پادریوں نے ادا کیں

بھارت کی ریاست کیرالہ کے تاریخی سینٹ میری کیتھیڈرل میں ایک انتہائی منفرد کیتھولک شادی کی تقریب انعقاد پذیر ہوئی، جہاں جڑواں بھائیوں اکھیل اور نکھل نے جڑواں بہنوں میگی اور ماریا سے شادی کی۔ اس تقریب کی سب سے خاص بات یہ تھی کہ شادی کی مذہبی رسومات بھی جڑواں پادریوں فادر اینٹو اور فادر اجو نے ادا کیں، جبکہ ان کے معاونین بھی جڑواں بھائی جیرون اور جوہون تھے۔ دلہنوں کا بچپن سے ہی یہ خواب تھا کہ ان کی شادی میں جڑواں افراد کا یہ نادر امتزاج موجود ہو، جس کے لیے ان کے اہل خانہ نے خاص طور پر جڑواں پادریوں سے رابطہ کیا۔ سوشل میڈیا پر اس انوکھی اور یادگار تقریب کی تصاویر تیزی سے وائرل ہو رہی ہیں اور صارفین کی جانب سے بے حد پسند کی جا رہی ہیں۔