پاکستان کے زرمبادلہ ذخائر میں 12 ملین ڈالر کا اضافہ، مجموعی ذخائر 19.61 ارب ڈالر ہوگئے

اسٹیٹ بینک آف پاکستان کے مطابق ملک کے زرمبادلہ ذخائر میں 12 ملین ڈالر کا اضافہ ریکارڈ کیا گیا ہے، جس کے بعد مجموعی لیکوئیڈ فارن ریزروز 19.61 ارب ڈالر تک پہنچ گئے ہیں۔

ترجمان اسٹیٹ بینک کا کہنا ہے کہ مرکزی بینک کے پاس موجود ذخائر 14.58 ارب ڈالر ہیں جبکہ کمرشل بینکس کے پاس 5.02 ارب ڈالر موجود ہیں۔مزید بتایا گیا کہ آئی ایم ایف سے 1.2 ارب ڈالر کی قسط موصول ہو چکی ہے، تاہم یہ رقم آئندہ ہفتے کے زرمبادلہ ذخائر میں شامل کی جائے گی۔اسٹیٹ بینک کے مطابق پاکستان کے مجموعی لیکوئیڈ فارن ایکسچینج ریزروز 19.61 ارب ڈالر ریکارڈ کیے گئے ہیں، جو کہ حالیہ مہینوں کے مقابلے میں بہتری کی علامت ہے۔