وزیر خارجہ اسحاق ڈار کی سینیگال کے وزیر خارجہ سے ٹیلی فونک گفتگو

پاکستان کے نائب وزیراعظم و وزیر خارجہ سینیٹر محمد اسحاق ڈار کی سینیگال کے وزیر خارجہ شیخ نیانگ کے ساتھ اہم ٹیلی فونک گفتگو ہوئی ہے۔ ترجمان دفتر خارجہ کے مطابق دونوں رہنماؤں نے باہمی دلچسپی کے تمام اہم شعبوں میں دوطرفہ تعلقات کو مزید مضبوط و مستحکم کرنے کے عزم کا اعادہ کیا ہے۔ گفتگو کے دوران دونوں وزرائے خارجہ نے کثیرالجہتی بین الاقوامی فورمز، بالخصوص اقوام متحدہ (UN) اور اسلامی تعاون تنظیم (OIC) کے پلیٹ فارمز پر ایک دوسرے کے ساتھ تعاون اور سفارتی روابط کو مزید بڑھانے پر مکمل اتفاق کیا۔