کیرولین لیویٹ رواں ماہ کے آخر میں عہدہ چھوڑ دیں گی، ٹرمپ

امریکی صدر ڈونلڈ ٹرمپ نے اعلان کیا ہے کہ وائٹ ہاؤس کی پریس سیکرٹری کیرولین لیویٹ رواں ماہ کے آخر میں اپنے عہدے سے سبکدوش ہو جائیں گی۔ 28 سالہ کیرولین لیویٹ، جنہوں نے جنوری 2025 میں یہ اہم ذمہ داری سنبھالی تھی، امریکی تاریخ میں وائٹ ہاؤس پریس سیکرٹری کا منصب حاصل کرنے والی سب سے کم عمر شخصیت ہیں۔

رپورٹس کے مطابق کیرولین لیویٹ نے یہ فیصلہ اپنے بچوں اور خاندان کو مزید وقت دینے کی غرض سے کیا ہے۔ انہوں نے اپنے مختصر مگر متحرک دورِ حکومت میں وائٹ ہاؤس کے میڈیا امور اور صحافیوں کے ساتھ پریس بریفنگز کے عمل کو مؤثر انداز میں سنبھالا۔

امریکی صدر ڈونلڈ ٹرمپ نے کیرولین لیویٹ کی خدمات، شاندار کارکردگی اور قیادت کا کھلے دل سے اعتراف اور تعریف کی ہے۔ صدر ٹرمپ نے ان کی مستقبل کی زندگی کے لیے نیک خواہشات کا اظہار کرتے ہوئے انتظامیہ میں ان کے کردار کو انتہائی قدر کی نگاہ سے دیکھا۔