بھارت: قتل کا مفرور ملزم نام بدل کر 27 برس تک ڈاکٹر بنا رہا

بھارتی ریاست مدھیہ پردیش کے ایک دور افتادہ علاقے سے پولیس نے 27 سال سے روپوش قتل کے ایک خطرناک مفرور ملزم کو گرفتار کر لیا ہے، جو نام تبدیل کر کے بھیس بدل کر ایک ڈاکٹر کے طور پر زندگی گزار رہا تھا۔ نیو انڈین ایکسپریس کی رپورٹ کے مطابق 53 سالہ ملزم راجندر سنگھ یادو نے 1998ء میں ایک پولیس اہلکار کو قتل کیا تھا جس کے بعد اسے گرفتار کر لیا گیا تھا، لیکن 1999ء میں عدالت میں سماعت کے لیے جاتے ہوئے وہ پولس کی حراست سے ہتھکڑی سمیت فرار ہونے میں کامیاب ہو گیا تھا۔

فرار کے بعد ملزم نے مدھیہ پردیش کے ضلع اشوک نگر کے ایک دور افتادہ گاؤں میں پناہ لی اور اپنا نام تبدیل کر کے خود کو ایک ڈاکٹر کے طور پر متعارف کرایا۔ اس نے وہاں نہ صرف اپنا کلینک کھول کر مریضوں کا علاج شروع کیا بلکہ ‘ڈاکٹر جھٹکا’ کے نام سے مقامی لوگوں میں مقبول بھی ہو گیا۔ اس دوران اس نے وہیں شادی کر لی، جس سے اس کے دو بچے ہیں، اور پراپرٹی کے کاروبار میں منسلک ہو کر اپنی مالی حالت بھی بہتر بنا لی۔ تاہم 27 برس بعد پولیس کو ملزم کے بارے میں سوراخ ملا، جس کے بعد کئی دنوں تک اس کی نگرانی کی گئی اور تصدیق ہونے پر چھاپہ مار کر اسے گرفتار کر لیا گیا۔