وزیراعظم کی مسجد نبویؐ اور روضہ رسولؐ پر حاضری، ملکی ترقی کیلئے دعائیں

وزیراعظم محمد شہباز شریف اپنے پاکستانی وفد کے ہمراہ مدینہ منورہ پہنچ گئے، جہاں انہوں نے مسجد نبوی صلی اللہ علیہ وسلم میں حاضری دی۔ دورے کے دوران وزیراعظم نے روضہ رسولؐ پر حاضری دی اور زیارتِ خاص کی سعادت حاصل کی۔ اس کے علاوہ انہوں نے ریاض الجنہ میں نوافل ادا کیے اور ملک و قوم کی سلامتی، ترقی اور خوشحالی کے لیے خصوصی دعائیں مانگیں۔ وزیراعظم کے اس مقدس سفر میں ان کے ہمراہ نائب وزیراعظم سینیٹر محمد اسحاق ڈار، وفاقی وزیرِ دفاع خواجہ محمد آصف، وفاقی وزیرِ اطلاعات و نشریات عطاء اللہ تارڑ اور معاونِ خصوصی طارق فاطمی بھی موجود تھے۔