ٹام ہالینڈ اور زینڈایا کی ’ساؤتھ انڈین شادی‘، اے آئی ویڈیو نے سب کو حیران کر دیا

ہالی ووڈ کے معروف اداکار ٹام ہالینڈ (Tom Holland) اور زینڈایا (Zendaya) کی روایتی ساؤتھ انڈین طرز کی شادی کی ایک 46 سیکنڈ پر مشتمل ویڈیو سوشل میڈیا پر شدید مقبولیت حاصل کر رہی ہے۔ تاہم، یہ واقعی میں ان کی حقیقی شادی کا منظر نہیں بلکہ مصنوعی ذہانت (Artificial Intelligence / AI) کی مدد سے تیار کی گئی ایک ڈیجیٹل تخلیق ہے۔

ویڈیو میں دونوں اداکاروں کو روایتی ساؤتھ انڈین عروسی لباس میں دکھایا گیا ہے، جہاں ٹام ہالینڈ روایتی دھوتی اور زینڈایا دلکش زیورات سے سجی دلہن کے روپ میں نظر آتی ہیں۔ اس اے آئی ویڈیو میں ایونجرز (Avengers) کے دیگر معروف کرداروں اور روایتی رسومات کو بھی فلٹر کر کے ایک دلکش فلمی ماحول تشکیل دیا گیا ہے۔