پی ٹی اے کا بڑا کریک ڈاؤن، 7 ماہ میں 18 لاکھ سے زائد سمز بلاک

پاکستان ٹیلی کمیونیکیشن اتھارٹی (PTA) نے غیر قانونی سمز کے استعمال اور غیر ملکی سمز کی فروخت کے خلاف کارروائیاں تیز کرتے ہوئے رواں سال 2026 کے پہلے 07 ماہ (جنوری تا جولائی) میں مجموعی طور پر 18 لاکھ 38 ہزار 689 سمز بلاک کر دی ہیں۔ پی ٹی اے کے جاری کردہ اعداد و شمار کے مطابق اس عرصے میں 06 لاکھ 91 ہزار 102 غیر قانونی سمز، فوت شدہ افراد کے شناختی کارڈز پر چلنے والی 09 لاکھ 03 ہزار 230 سمز، اور منسوخ یا ایکسپائرڈ شناختی کارڈز پر فعال 02 لاکھ 44 ہزار 357 سمز بند کی گئیں۔ علاوہ ازیں، غیر ملکی سمز کی غیر قانونی فروخت پر پی ٹی اے نے 25 چھاپامار کارروائیوں کے دوران 08 ہزار 051 غیر ملکی سمز برآمد کر کے 37 ملزمان کو گرفتار کیا ہے۔ پی ٹی اے حکام کا کہنا ہے کہ ٹیلی کام نظام کو محفوظ اور محفوظ بنانے کے لیے یہ کریک ڈاؤن آئندہ بھی جاری رہے گا۔