کھڑکیاں صاف کرنے کا 71 سالہ چیمپئن

برطانیہ سے تعلق رکھنے والے 71 سالہ ٹیری بروز آج بھی دنیا کے بہترین اور تیز ترین ونڈو کلینرز میں شمار ہوتے ہیں، جنہیں اس شعبے کا ‘یوسین بولٹ’ کہا جاتا ہے۔ انہوں نے 2009 میں منعقدہ ورلڈ ونڈو کلیننگ ورلڈ کپ کے دوران صرف 9.14 سیکنڈز میں 45×45 انچ کی 03 کھڑکیاں صاف کر کے عالمی ریکارڈ قائم کیا تھا جو 17 سال گزرنے کے باوجود ناقابلِ تسخیر ہے۔ ایک برطانوی اخبار سے گفتگو کرتے ہوئے ٹیری بروز نے کہا کہ یہ کام نصف عمر کے لوگ بھی آسانی سے نہیں کر سکتے کیونکہ اس کے لیے خاص مہارت اور تربیت کی ضرورت ہوتی ہے۔ مقابلے کے قوانین کے تحت تمام شرکا کو 12 انچ کا اسکویجی اور 14 انچ کے ٹی بار سمیت یکساں سامان فراہم کیا جاتا ہے، جبکہ 03 ججز کی نگرانی میں ‘S’ شیپ تکنیک سے شیشے چمکانے والے کا وقت ‘اسٹاپ’ کہنے پر روکا جاتا ہے۔