بیٹی کی جنک فوڈ کی عادت چھڑانے کے لیے باپ نے جعلی الٹراساؤنڈ کر ڈالا، پھر کیا ہوا؟

چائنا میں ایک باپ کی جانب سے اپنی کم عمر بیٹی کی جنک فوڈ کھانے کی عادت چھڑانے کے لیے اختیار کیا گیا انوکھا اور دلچسپ طریقہ سوشل میڈیا پر شدید وائرل ہو رہا ہے۔ بیٹی کو بار بار منع کرنے کے باوجود جنک فوڈ سے نہ روک پانے پر والد نے ایک جعلی الٹراساؤنڈ ویڈیو کا سہارا لیا۔ اس ویڈیو میں بچی کو دکھایا گیا کہ جنک فوڈ اور آئس کریم کھانے کی وجہ سے اس کے پیٹ میں ایک کیڑا پیدا ہو گیا ہے، جو ہر بار غیر صحت بخش غذا ملنے پر مزید بڑا ہوتا جا رہا ہے۔ یہ دلچسپ طریقہ کارگر ثابت ہوا اور مبینہ طور پر بچی نے خوفزدہ ہو کر جنک فوڈ کا استعمال مکمل طور پر چھوڑ دیا۔ سوشل میڈیا پر وائرل ہونے کے بعد صارفین کی جانب سے مختلف ردِعمل سامنے آئے؛ کچھ نے والد کی تخلیقی صلاحیت کو سراہا، جبکہ دیگر نے بچوں کو ڈرانے کے بجائے پیار سے صحت بخش غذا کی اہمیت سمجھانے کی تاکید کی۔