صارفین کےلیے آئی فون اور دیگر ایپل ڈیوائسز خریدنا آسان ہوگیا، تفصیلات جانیے

ٹیکنالوجی کمپنی ایپل (Apple) نے اپنے صارفین کے لیے سابقہ پروگرامز کی جگہ فن ٹیک کمپنی Klarna کے تعاون سے نیا ‘ایپل اپ گریڈ پلان’ متعارف کروا دیا ہے، جس کے تحت آئی فون، میک، آئی پیڈ اور ایپل واچ آسان ماہانہ اقساط اور لیز پر حاصل کیے جا سکیں گے۔ اس اسکیم کے تحت آئی فون کی اقساط 17.99 ڈالر، ایپل واچ اور آئی پیڈ 11.99 ڈالر، جبکہ میک کمپیوٹرز 24.99 ڈالر ماہانہ سے دستیاب ہوں گے۔ تاہم، آئی فون 16، آئی فون 16 پلس، ایپل واچ ایس ای اور میک بک نیو جیسے چند ماڈلز کو اس اسکیم سے استثنیٰ حاصل ہو گا۔ اس نئے پلان میں AppleCare+ قسط میں شامل نہیں ہو گا، جبکہ ایپل کارڈ سے ادائیگی پر 3% کیش بیک ملے گا۔ لیز کی مدت ختم ہونے پر صارفین ڈیوائس اپ گریڈ کر سکتے ہیں، تمام اقساط ادا کر کے ڈیوائس رکھ سکتے ہیں یا منصوبہ ختم کر سکتے ہیں۔