امریکی شہری کو سائیکل چلانے کے دوران مشعل جگلنگ کرنا مہنگا پڑ گیا

امریکہ سے تعلق رکھنے والے معروف ورلڈ ریکارڈ ہولڈر ڈیوڈ رش کو ایک پہیے والی سائیکل چلاتے ہوئے جلتی ہوئی مشعلیں اچھالنے کا نیا سنسنی خیز گنیز ورلڈ ریکارڈ قائم کرنا مہنگا پڑ گیا، جس دوران ان کی بھنویں اور ہاتھوں کے بال جھلس گئے۔ ڈیوڈ رش نے مسلسل 37 جلتی مشعلیں اچھالنے اور پکڑنے کا پرانا عالمی ریکارڈ توڑنے کی کوشش کی۔ انہوں نے بتایا کہ جیسے ہی یونی سائیکل آگے بڑھتی ہے، ہوا کا دباؤ شعلوں کو سیدھا چہرے کی طرف دھکیلتا ہے جس کی وجہ سے حادثہ پیش آیا۔ تاہم، تمام تر خطرات کے باوجود وہ توازن برقرار رکھنے میں کامیاب رہے اور مسلسل 175 بار جلتی ہوئی مشعلیں پکڑ کر پرانے ریکارڈ سے 4 گنا سے بھی زیادہ کا نیا گنیز ورلڈ ریکارڈ اپنے نام کر لیا۔