کیلیفورنیا کے آسمان پر بادلوں کے خوبصورت منظر نے دیکھنے والوں کو حیران کردیا

امریکی ریاست کیلیفورنیا کے ساحلی شہر سانتا کروز کے آسمان پر بادلوں کے انتہائی دلکش اور انوکھے منظر نے شہریوں کو حیرت میں مبتلا کر دیا ہے۔ رواں ہفتے منگل کی شام ساحل سمندر پر گہرے سیاہ اور سفید بادلوں کو سمندری لہروں کی شباہت میں دیکھا گیا، جن پر غروب ہوتے سورج کی روشنی نے منظر کو مزید سحر انگیز بنا دیا۔ ساحل پر موجود شہریوں اور مقامی خاتون کی جانب سے عکس بند کی گئی بادلوں کی یہ خوبصورت ویڈیو سوشل میڈیا پر تیزی سے وائرل ہو رہی ہے، جسے صارفین کی جانب سے بے حد پسند کیا جا رہا ہے۔