طلبہ کی مدد کیلئے مصنوعی ذہانت سے چلنے والا انسانی روبوٹ متعارف

امریکی ریاست نیویارک کے ایک اسکول میں 57,600 امریکی ڈالرز کی لاگت سے مصنوعی ذہانت (AI) کا حامل انسانی روبوٹ بطور تدریسی معاون متعارف کروا دیا گیا ہے۔ یہ روبوٹ جماعت 11 اور 12 کے طلبہ کو کوڈنگ، روبوٹکس اور آرٹیفیشل انٹیلی جنس کے مضامین میں اساتذہ کی مدد کرے گا۔ اسکول انتظامیہ کے مطابق اس روبوٹ کا مقصد اساتذہ کا متبادل بننا نہیں بلکہ تدریسی عمل کو بہتر بنانا ہے، جبکہ یہ انٹرنیٹ سے منسلک ہے نہ ہی طلبہ کا ڈیٹا یا ویڈیو ریکارڈ کرتا ہے۔ انساتین شکل اور جِلد رکھنے والے اس روبوٹ کے استعمال پر سوشل میڈیا پر تنقید بھی سامنے آئی ہے، تاہم انتظامیہ کا موقف ہے کہ انسانی اساتذہ ہی تعلیم کا بنیادی حصہ رہیں گے۔