ماتھے پر ٹوائلٹ پیپر رولز کا توازن قائم کرنے کا عالمی ریکارڈ

امریکا سے تعلق رکھنے والے معروف سیریل ریکارڈ بریکر ڈیوڈ رش نے اپنے ماتھے پر 195 ٹوائلٹ پیپر رولز متوازن رکھ کر ایک بار پھر گینیز ورلڈ ریکارڈ اپنے نام کر لیا ہے۔ ریاست آئیڈاہو کے رہائشی ڈیوڈ رش نے 2021 میں 101 رولز کے ساتھ یہ ریکارڈ بنایا تھا جسے بعد میں 152 رولز کے ساتھ توڑ دیا گیا تھا؛ تاہم مئی 2025 میں ناکام کوشش کے بعد اب انہوں نے دوسری کوشش میں کامیابی حاصل کی ہے۔ ڈیوڈ رش نے 30 سیکنڈ تک 195 ٹوائلٹ پیپر رولز کا توازن برقرار رکھ کر اپنا چھنا ہوا اعزاز دوبارہ حاصل کیا، جن کا کہنا ہے کہ اس دوران معمولی سی گھبراہٹ بھی پورے ٹاور کو گرا سکتی ہے۔