12 سالہ مبینہ موٹر سائیکل چور کے چرچے، ویڈیو سامنے آ گئی

محمدیہ کالونی سمیت شہر کے مختلف علاقوں میں موٹر سائیکل چوری کی وارداتوں میں مبینہ طور پر ملوث 12 سالہ بچے کی سی سی ٹی وی فوٹیج منظرِ عام پر آ گئی ہے۔ وائرل ہونے والی سی سی ٹی وی ویڈیو میں مبینہ کمسن ملزم کو مہارت سے موٹر سائیکل کا لاک توڑ کر اسے باآسانی لے جاتے ہوئے دیکھا جا سکتا ہے۔ پولیس حکام کے مطابق واقعات کے مقدمات درج کر کے مختلف زاویوں سے تحقیقات کا آغاز کر دیا گیا ہے۔ پولیس کا کہنا ہے کہ مبینہ کمسن چور اور اس سے منسلک گینگ تاحال گرفت میں نہیں آ سکا، تاہم ملزمان کی فوری گرفتاری کے لیے چھاپے مارے جا رہے ہیں اور جلد ہی انہیں قانون کے کٹہرے میں لایا جائے گا۔