وزیراعظم شہباز شریف کی سپین کو فیفا ورلڈ کپ 2026 جیتنے پر مبارکباد

وزیراعظم محمد شہباز شریف نے فیفا ورلڈ کپ 2026 کے فائنل میں اسپین کی تاریخی فتح پر اسپینش ٹیم اور عوام کو مبارکباد پیش کرتے ہوئے کہا ہے کہ فاتح ٹیم نے پورے ٹورنامنٹ میں شاندار کھیل، اتحاد اور بہترین نظم و ضبط کا مظاہرہ کیا۔ اس کے ساتھ ہی وزیراعظم نے امریکی صدر ڈونلڈ ٹرمپ، امریکی عوام کے علاوہ کینیڈا اور میکسیکو کی حکومتوں کو اس عالمی میگا ایونٹ کی مثالی اور شاندار مشترکہ میزبانی پر زبردست خراجِ تحسین پیش کیا۔ وزیراعظم نے فیفا کے صدر جیانی انفانٹینو اور ان کی پوری ٹیم کو کامیابی کے ساتھ ٹورنامنٹ مکمل کرانے پر مبارکباد دیتے ہوئے کہا کہ فیفا ورلڈ کپ نے ایک بار پھر ثابت کر دیا ہے کہ کھیل سرحدوں سے بالاتر ہو کر دنیا بھر کی انسانیت کو جوڑتے ہیں۔ انہوں نے امید ظاہر کی کہ دوستی، اتحاد اور باہمی احترام کا یہی جذبہ آنے والے وقت میں بھی عالمی ہم آہنگی کے لیے رہنمائی فراہم کرتا رہے گا۔