LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا سعودیہ کی حوثی باغیوں کیخلاف مہم آئندہ سال تک طویل کرنے کی تیاری بلغاریہ میں پانچ سال تک بڑے سائبر حملوں، ہیکنگ آپریشن کا انکشاف صدر پوتن اور شی جن پنگ کے درمیان مذاکرات مفید اور بامقصد رہے، روسی صدارتی معاون مغربی سینیگال کے ساحل پر تارکین وطن کی کشتی الٹنے سے ایک شخص ہلاک عجمان میں پہلے عالمی میڈیا فورم 2026ء کا انعقاد، 17 ممالک کے 68 مقررین شریک تقسیم اور لوگوں کو آپس میں لڑانے کی کوششیں ناقابل قبول ہیں: مراد علی شاہ بلاول بھٹو کے بیان پر وفاقی وزرا کی چیخیں نکل رہی ہیں: سعید غنی بھارت کے پاس 36 میں سے 32 رافیل طیارے رہ گئے: برطانوی جریدے کی پاکستان مؤقف کی تصدیق پوتن اور شی میں مذاکرات دوستانہ ماحول میں ہوئے، ٹرمپ سے بھی بات چیت ہوگی: کریملن پرنس ولیم سے ملاقات میں سیف علی خان کے شاہی خاندانی پس منظر کا بھی ذکر تعلیم حکومتوں کی ترجیح نہیں، تعلیمی نظام تباہ ہو رہا ہے: حافظ نعیم الرحمان وزیراعلیٰ پنجاب نے صوبے میں پنچائیت نظام کی اصولی منظوری دیدی میڈ اِن رشیا فورم میں شریک پاکستانی تجارتی وفد کے اعزاز میں سفیر پاکستان کا خصوصی عشائیہ

بلوچستان میں کشیدگی برقرار: کوئٹہ میں 17 پولیس شہدا کی میتوں کے ہمراہ دوسرا دھرنا شروع، اہم شاہراہیں بند

Web Desk

9 July 2026

کوئٹہ: بلوچستان کے صوبائی دارالحکومت کوئٹہ میں امن و امان کی صورتحال انتہائی کشیدہ ہو گئی ہے، جہاں سانحہ زیارت کے دوران شہید ہونے والے 17 پولیس اہلکاروں کے لواحقین نے انصاف نہ ملنے پر میتوں کے ہمراہ ‘کوئلہ پھاٹک’ کے مقام پر ایک اور بڑا دھرنا دے دیا ہے۔

شہر میں دوسرے بڑے دھرنے کے آغاز کے باعث سمنگلی روڈ سے کوئٹہ شہر کی جانب آنے والی تمام ٹریفک اور رابطہ سڑکیں مکمل طور پر بند ہو چکی ہیں، جس کی وجہ سے شہریوں کو شدید مشکلات کا سامنا ہے۔

 سانحہ ہنہ اوڑک کے شہدا کے لواحقین آج پانچویں روز بھی اپنے پیاروں کی میتیں سڑک پر رکھ کر ایئرپورٹ روڈ پر سراپا احتجاج ہیں۔سانحہ زیارت کے شہدائے پولیس کے لواحقین نے تازہ ترین احتجاج شروع کر کے شہر کا ایک اور اہم داخلی و خارجی راستہ بلاک کر دیا ہے۔

انتہائی افسوسناک امر یہ ہے کہ سانحہ ہنہ اوڑک کے شہدا کی تدفین پانچویں روز بھی تاحال نہیں ہو سکی ہے۔ لواحقین کا مؤقف ہے کہ جب تک ان کے مطالبات تسلیم نہیں کیے جاتے اور ملوث عناصر کو کیفرِ کردار تک نہیں پہنچایا جاتا، وہ احتجاج ختم کریں گے اور نہ ہی تدفین کی جائے گی۔ ضلعی انتظامیہ اور حکام کی جانب سے مظاہرین کو منانے اور مذاکرات کی کوششیں اب تک ناکام ثابت ہوئی ہیں، جس کے باعث کوئٹہ کے دو اہم ترین راستے (ایئرپورٹ روڈ اور سمنگلی روڈ) بلاک ہیں اور شہر میں سیکیورٹی ہائی الرٹ ہے۔