غیر ملکی لڑکیوں کو بحفاظت بازیاب کراکےقانونی تقاضے پورے کیے: فیصل کامران
Web Desk
5 July 2026
ڈی آئی جی آپریشنز فیصل کامران نے صوبائی دارالحکومت میں اہم پریس کانفرنس کرتے ہوئے بتایا ہے کہ پولیس نے اغوا کاروں کے چنگل سے غیر ملکی لڑکیوں کو بحفاظت بازیاب کرا کے تمام قانونی تقاضے پورے کر دیے ہیں۔ انہوں نے واضح کیا کہ کیس میں دفعہ 164 کے تحت عدالت میں ریکارڈ کرائے گئے لڑکیوں کے بیانات نے یہ بالکل صاف کر دیا ہے کہ کس نے زیادتی کی اور کس نے متاثرہ لڑکیوں کو دھمکیاں دیں۔
ڈی آئی جی کا کہنا تھا کہ وزیر اعلیٰ پنجاب نے معاملے کا فوری نوٹس لیا جس پر پولیس نے کارروائی تیز کی۔ جولائی میں لڑکیوں کے اغوا کی اطلاع ملتے ہی تحقیقات شروع کی گئیں۔ متاثرہ لڑکی نے اپنے والد کو گاڑی کی ایک تصویر بھیجی تھی، جس کے نمبر کی مدد سے گاڑی کو ٹریس کیا گیا۔ انہوں نے بتایا کہ تحقیقات سے معلوم ہوا کہ دونوں لڑکیاں جون میں اسلام آباد پہنچیں اور بعد ازاں لاہور آئیں، جبکہ ملزمان کا تعلق سرگودھا اور دیگر علاقوں سے ہے۔
فیصل کامران نے انکشاف کیا کہ دورانِ تفتیش ایک گھر پر چھاپے کے دوران اہل خانہ نے دھونس جمانے کے لیے بتایا کہ ملزم نائب وزیر اعظم کے رشتہ دار ہیں، تاہم بڑی شخصیت سے تعلق سامنے آنے کے باوجود اعلیٰ پولیس افسران نے بغیر کسی دباؤ کے قانون کے مطابق کارروائی جاری رکھنے کی ہدایت دی۔ گاڑی کی لوکیشن کی مدد سے رضا ڈار نامی شخص کو بھی ٹریس کیا گیا اور معلوم ہوا کہ واقعے میں ایک بااثر شخصیت کا قریبی رشتہ دار ملوث ہے۔
انہوں نے مزید بتایا کہ مسلسل کارروائی کے بعد دونوں غیر ملکی لڑکیوں کو بحفاظت بازیاب کرایا گیا۔ پولیس نے فوری طور پر اسپین اور نیدرلینڈز کے سفارتخانوں سے رابطہ کیا، جس پر معلوم ہوا کہ ایک لڑکی کا تعلق وینزویلا سے ہے۔ سفارتی حکام کی یقین دہانی پر لڑکیاں میڈیکل اور دفعہ 164 کے تحت بیان دینے پر راضی ہوئیں، جو نیدرلینڈز کے قونصلر کی موجودگی میں عدالت کے روبرو ریکارڈ کیے گئے۔ بعد ازاں، سفارتخانوں کی درخواست پر دونوں لڑکیوں کو بحفاظت ایئرپورٹ پہنچایا گیا جنہوں نے پولیس تفتیش پر مکمل اطمینان کا اظہار کیا۔ ڈی آئی جی نے بتایا کہ ملزمان کے ریمانڈ کے دوران اہم برآمدگیاں ہوئی ہیں، جبکہ مجسٹریٹ کے گھر کی منتقلی کے معاملے پر غلطی سے داخل ہونے والے متعلقہ ایس ایچ او کو معطل کر دیا گیا ہے
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026