وزیراعظم کی ہدایت پر پاکستان ریلویز کا مزید دو ٹرینیں بحال کرنے کا اعلان

زیرِ اعظم کی خصوصی ہدایت پر وفاقی وزیرِ ریلوے محمد حنیف عباسی نے مزید 2 اہم مسافر ٹرینیں بحال کرنے کا بڑا اعلان کر دیا ہے۔ فیصلوں کے مطابق 15 ستمبر کو موہنجو دڑو ٹرین بحال کر دی جائے گی جبکہ سیالکوٹ سے راولپنڈی کے درمیان مسافر ٹرین 15 اکتوبر سے اپنی سروسز کا آغاز کرے گی۔ وزیرِ ریلوے نے انتظامیہ کو فوری طور پر انتظامات مکمل کرنے کی ہدایت کرتے ہوئے کہا ہے کہ بند کی گئی دیگر تمام ٹرینوں کو بھی مرحلہ وار بحال کیا جائے گا۔ اس موقع پر ایم ایل ون (ML-1) منصوبے کے حوالے سے انہوں نے بتایا کہ اس پر ورکنگ اخری مرحلے میں داخل ہو چکی ہے اور آئندہ برس جنوری میں اس اہم گیم چینجر منصوبے پر باقاعدہ کام شروع ہو جائے گا جو پاکستان ریلوے کا نقشہ بدل کر رکھ دے گا۔