افغانستان میں طالبان رجیم کی غیرقانونی پابندیاں، خواتین خودکشی پر مجبور

عالمی جریدے ‘دی گارڈین’ نے اپنی رپورٹ میں انکشاف کیا ہے کہ طالبان رجیم نے سخت گیر پالیسیوں کے ذریعے افغانستان میں خواتین کے خلاف صنفی امتیاز کو ریاستی پالیسی بنا دیا ہے، جس کے تحت نصف آبادی کے تمام بنیادی حقوق سلب کر لیے گئے ہیں۔ رپورٹ کے مطابق طالبان نے کم عمری کی شادی اور گھریلو تشدد کو جواز فراہم کرتے ہوئے خواتین کا طلاق کا حق انتہائی محدود کر دیا ہے۔ حالات کے باعث دنیا بھر کے برعکس افغانستان میں 80 فیصد خودکشیوں کا تعلّق خواتین سے ہے۔ اس کے علاوہ افغان تحقیقاتی ادارے ‘زن ٹائمز’ نے بھی انکشاف کیا ہے کہ ملک میں خواتین کے قاتلوں کو سزا سے استثنیٰ اور کھلی چھوٹ حاصل ہے، جس سے افغان سرزمین خواتین کے لیے غیر محفوظ ترین بن چکی ہے۔