ایس آئی ایف سی کی ریگولیٹری اصلاحات، کاروباری آسانیوں کے فروغ کی جانب اہم پیش رفت

وزیراعظم کی ہدایت پر سپیشل انویسٹمنٹ فیسیلیٹیشن کونسل (ایس آئی ایف سی) نے ملک میں کاروبار دوست ماحول کے قیام اور سرمایہ کاری کو فروغ دینے کے لیے ریگولیٹری اصلاحات پر عملدرآمد تیز کر دیا ہے۔ اس اقدام کے تحت غیر ضروری قواعد و ضوابط، پیچیدہ تقاضوں اور زائد کاغذی کارروائی کو ختم یا آسان بنایا جا رہا ہے تاکہ کاروباری افراد کے لیے دفتری رکاوٹیں کم ہو سکیں۔ ایس آئی ایف سی کے مطابق لائسنسنگ اور دیگر انتظامی مراحل کو شفاف بنانے سے اداروں کے آپریشنل اخراجات اور بوجھ میں نمایاں کمی آئے گی، جس سے ملک میں معاشی سرگرمیوں کو نچلی سطح تک تقویت ملے گی۔