ومبلڈن ٹینس ٹورنامنٹ کے ویمنز سنگلز میں ایک بہت بڑا اپ سیٹ دیکھنے میں آیا ہے، جہاں دفاعی چیمپئن اور پولینڈ کی مایہ ناز کھلاڑی ایگا شواٹک تیسرے راؤنڈ میں شکست کھا کر ٹورنامنٹ سے باہر ہو گئی ہیں۔ فلپائن کی الیگزینڈرا ایلا نے شاندار کارکردگی کا مظاہرہ کرتے ہوئے دفاعی چیمپئن کو مات دی اور پری کوارٹر فائنل میں اپنی جگہ پکی کر لی۔

ٹورنامنٹ کے راؤنڈ آف 32 میں، نمبر تھری سیڈڈ ایگا شواٹک کے خلاف فلپائن کی الیگزینڈرا ایلا نے جارحانہ کھیل پیش کیا۔ انہوں نے پہلا سیٹ انتہائی سنسنی خیز مقابلے کے بعد ٹائی بریکر پر 9 کے مقابلے 11 پوائنٹس سے اپنے نام کیا۔ دوسرے سیٹ میں بھی ایلا کا پلہ بھاری رہا اور انہوں نے شواٹک کو 6-2 سے یکطرفہ شکست دے کر ایونٹ سے باہر کر دیا۔

دوسری جانب، مینز سنگلز کے مقابلے میں آسٹریلیا کے نمبر 5 سیڈڈ کھلاڑی ایلکس ڈی مینووار نے کامیابی حاصل کر لی ہے۔ انہوں نے ایک سخت مقابلے کے بعد اپنے امریکی حریف زیچری کو 6-2، 5-7، 6-2 اور 6-4 سے شکست دی اور ٹورنامنٹ کے پری کوارٹر فائنل کے لیے کوالیفائی کر لیا۔