ومبلڈن ٹینس: ویمن کیٹیگری میں دفاعی چیمپئن آئیگا سویٹیک ایونٹ سے باہر

سال کے سب سے باوقار ٹینس ٹورنامنٹ ‘ومبلڈن اوپن’ میں دلچسپ اور سنسنی خیز مقابلوں کا سلسلہ جاری ہے، جہاں ویمنز سنگلز کیٹیگری میں ایک بہت بڑا اپ سیٹ دیکھنے کو ملا ہے۔ ایونٹ کی نمبر تھری سیڈڈ اور دفاعی چیمپئن پولینڈ کی آئیگا سویٹیک تیسرے راؤنڈ میں ہی ہار کر ٹورنامنٹ سے باہر ہو گئی ہیں۔

راؤنڈ آف 32 کے اس سنسنی خیز مقابلے میں فلپائن کی ابھرتی ہوئی کھلاڑی الیگزینڈرا ایلا نے شاندار کھیل پیش کرتے ہوئے دفاعی چیمپئن آئیگا سویٹیک کو شکست کا مزہ چکھایا اور پری کوارٹر فائنل میں جگہ بنا لی۔ میچ کے پہلے سیٹ میں دونوں کھلاڑیوں کے درمیان کانٹے کا مقابلہ ہوا، جسے الیگزینڈرا ایلا نے ٹائی بریکر پر 9 کے مقابلے 11 پوائنٹس حاصل کر کے اپنے نام کیا۔ پہلے سیٹ کے نقصان کے بعد پولش اسٹار دباؤ کا شکار ہو گئیں اور دوسرے سیٹ میں الیگزینڈرا ایلا نے یکطرفہ مقابلے کے بعد سویٹیک کو 2-6 سے ہرا کر ایونٹ سے باہر کر دیا۔

دوسری جانب، مینز سنگلز کیٹیگری کے ایک اور اہم میچ میں آسٹریلیا کے نمبر 5 سیڈڈ ٹینس اسٹار ایلکس ڈی مینووار نے کامیابی حاصل کر لی ہے۔ انہوں نے اپنے امریکی حریف زیچری کے خلاف سخت مقابلے کے بعد 2-6، 7-5، 2-6 اور 4-6 سے فتح سمیٹی۔ اس کامیابی کے ساتھ ہی ایلکس ڈی مینووار نے بھی ومبلڈن کے پری کوارٹر فائنل کے لیے کوالیفائی کر لیا ہے۔