دنیا کے گندے ترین شہروں کی رینکنگ ، کراچی کا کون سا نمبر ؟

دنیا کے گندے ترین شہروں کی نئی رینکنگ نے سب کو حیران کر دیا ہے، کیونکہ تازہ عالمی فہرست کے مطابق دنیا کا سب سے گندا شہر یورپ کا بڈاپسٹ قرار پایا ہے، جبکہ پاکستان کا شہر کراچی اس بار ٹاپ ٹین میں شامل ہی نہیں۔

ریڈیکل اسٹوریج کی جانب سے جاری درجہ بندی میں یورو مانیٹر کے ٹاپ 100 شہروں اور گوگل کے 70 ہزار آن لائن ریویوز کا تجزیہ شامل کیا گیا۔ صارفین کے ریویوز میں “clean” اور “dirty” جیسے الفاظ کی بنیاد پر اندازہ لگایا گیا کہ کن شہروں میں صفائی کے انتظامات پر زیادہ شکایات پائی گئیں۔

رپورٹ کے مطابق بڈاپسٹ کے 37.9 فیصد ریویوز صفائی کے ناقص معیار اور دھول مٹی کی شکایات پر مشتمل تھے، جس کی بنیاد پر وہ دنیا کا سب سے گندا شہر قرار پایا۔

فہرست کے مطابق روم (اٹلی) کا دوسرا، لاس ویگاس (امریکا) تیسرا، فلورنس (اٹلی) چوتھا، پیرس (فرانس) پانچواں نمبر  جبکہ میلان، ویرونا، فرینکفرٹ، برسلز اور قاہرہ بالترتیب چھٹے سے دسویں نمبر پر رہے۔

دنیا کے صاف ترین شہروں کی فہرست میں پولینڈ کا Krakow پہلے، شارجہ دوسرے اور سنگاپور تیسرے نمبر پر رہا۔ وارسا، دوحا، ریاض، پراگ، مسقط، دبئی اور جاپان کا فوکوکا بھی ٹاپ ٹین صاف ترین شہروں میں شامل ہیں۔