عثمان طارق کا بولنگ ایکشن بالکل درست ہے، بھارتی ایمپائر انیل چوہدری

بھارتی انٹرنیشنل ایمپائر انیل چوہدری نے بھی پاکستانی اسپنر عثمان طارق کابولنگ ایکشن درست قراردے دیا۔پاک بھارت ٹاکرے سے قبل بھارتیوں پر پاکستان کے اسپن اٹیک کا خوف طاری ہے، اسی ضمن میں بھارتی میڈیاپراسپنر عثمان طارق کے ایکشن پراعتراضات کیے جارہے ہیں۔ تاہم یہ واضح رہے کہ ان کابولنگ ایکشن آئی سی سی کی جانب سے بالکل کلیئر ہے۔

اپنے بولنگ ایکش کے دوران رکنے کی وجہ سے بھارتی عثمان طارق کو نشانہ بنا رہے ہیں، لیکن سابق بھارتی کرکٹر ایشون کے بعد اب بھارتی امپائر انیل چوہدری نے بھی پاکستانی اسپنر کےایکشن پراعتراضات کاجواب دیا ہے ۔

انیل چوہدری نے کہا کہ عثمان طارق ہر گیند رک کر ہی کراتے ہیں، ان کا ایکشن ہی ایسا ہے، اس لیے یہ مسئلہ نہیں لیکن مسئلہ تب ہوگا جب عثمان اپنے ایکشن کو تبدیل کرتے ہوئے  رکے بغیر گیند کرائیں گے۔ اگر عثمان طارق روٹین ایکشن سے ہٹ کر بولنگ کریں گے تو ان کے لیے مسئلہ ہوسکتا ہے۔

انیل چوہدری نے ماضی میں آندرے رسل سمت دیگر کھلاڑیوں کی مثالیں دی جنہوں نے اپنے روٹین کے ایکشن سے ہٹ کر جب بھی بولنگ کی انہیں روکا گیا۔بھارتی ایمپائر نے کہا کہ اگر عثمان کےایکشن میں واضح تبدیلی دیکھی گئی تو بیٹرگیند کھیلنے سے انکار کرکے امپائر سے شکایت کرسکتاہے۔