LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری

نیوجرسی میں بھارتی نژاد مسلمان جج لبنیٰ قاضی کی تقرری عدالتی نظام میں اہم پیش رفت

Web Desk

18 February 2026

 

امریکی ریاست نیوجرسی کی عدالت میں بھارتی نژاد امریکی مسلم خاتون لبنیٰ قاضی چودھری کی بطورجج تقرری کو امریکی عدالتی نظام میں اقلیتی خاص طورپر مسلمانوں کی نمائندگی کے اعتبارسے اہم پیش رفت قراردیاجارہاہے۔

بھارتی ریاست مہاراشٹر کے ضلع رائےگڑھ سے تعلق رکھنےوالی لبنیٰ قاضی چودھری نےگزشتہ ماہ کی 25تاریخ کو نیو جرسی میں ایڈمنسٹریٹیو لاء جج کے طور پر حلف اٹھایاتھا۔ جس کے بعد وہ نیوجرسی میں اس عہدے پر فائز ہونے والی پہلی مسلم خاتون بن گئیں۔ پریم کورٹ کے ایسوسی ایٹ جسٹس ریچل وینر اپٹرکی موجودگی میں انہوں نے قرآن مجید پرہاتھ رکھ کر حلف لیا۔

امریکہ میں تعلیم وتربیت حاصل کرنے والی لبنیٰ کی پرورش دینی ماحول میں ہوئی۔ انہوں  نے انگریزی کے ساتھ عربی کی بھی تعلیم حاصل کی ہے۔ وہ اپنے دوبچوں کوبھی گھرمیں عربی اور اُردو پڑھارہی ہیں۔لبنیٰ کےوالد عنایت اللہ قاضی کا تعلق بھارتی ضلع رائے گڑھ کےتلا تعلقہ سے ہے جبکہ لبنیٰ کی پیدائش کویت میں ہوئی ۔وہ والدین کےساتھ کویت میں ہی رہائش پزیر رہیں۔۔وہ 1990ءمیں اسکول کی چھٹی کےدوران تفریح کیلئے امریکہ گئی تھیں،اس دوران کویت میں جنگ ہونے کی وجہ سے  امریکہ میں ہی مستقل سکونت اختیار کر لی۔ کیلی فورنیا کے ایک معروف اسکول سے ہائی اسکول، یونیورسٹی آف کیلیفورنیاسےگریجویشن اور ویسٹرن اسٹیٹ یونیورسٹی کالج آف لاءسے وکالت کی ڈگری حاصل کی۔

2005میں احسان چودھری سے شادی کےبعد وہ نیوجرسی منتقل ہو گئیں۔ وہاں20 سال مختلف سرکاری محکموں میں بحیثیت وکیل خدمات پیش کیں۔ 2025 میں نیوجرسی کے گورنرکی ایماء پر انہیں ایڈمنسٹریٹیو لاء جج نامزد کیا گیا۔ جج مقرر ہونے پر لبنیٰ قاضی نے خوشی کا اظہار کرتےہوئے کہاتھاکہ ’’سب سے پہلے میں  اللہ تعالیٰ کی شکرگزارہوں، جس نےمجھ اس غیر معمولی کامیابی سے نوازا۔یہ کامیابی صرف  میری نہیں ہے ۔ یہ کامیابی یہاں کے ہر فرد کی حمایت اور محبت سےملی ہے۔میری کامیابی میرے والدین ،بھائی بہن، خاوند اور ان کے اہل خانہ کی دعائوں کا نتیجہ ہے۔بحیثیت جج ، مجھ پر جو ذمہ داری عائد ہوتی ہے ،اسے بخوبی نبھانے کی بھرپورکوشش کروںگی۔میری ترجیح ہوگی کہ کسی کےساتھ ناانصافی نہ ہو۔

لبنیٰ قاضی، ممبئی کے معروف تعلیمی ادارے انجمن اسلام کی گرل بورڈ کی ایگزیکٹیو چیئرپرسن اور ممتاز تعلیمی شخصیت ڈاکٹر ریحانہ احمد کی نواسی ہیں۔ ڈاکٹر ریحانہ احمد کا اس حوالے کہناتھاکہ لبنیٰ کی کامیابی پوری قوم کی بیٹیوں کے لیے ایک روشن مثال ہے اور اس سے لڑکیوں کو اعلیٰ تعلیم اور پیشہ ورانہ میدان میں آگے بڑھنے کا حوصلہ ملے گا۔