ہیومن پلیسینٹا کیس: ایف آئی اے کی تحقیقات میں نئے انکشافات
Web Desk
2 July 2026
ہیومن پلیسینٹا (انسانی نال) کی غیر قانونی اسمگلنگ اور سپلائی کے کیس میں وفاقی تحقیقاتی ادارے (ایف آئی اے) کی تفتیش کے دوران انتہائی اہم اور ہولناک انکشافات سامنے آئے ہیں۔
ذرائع کے مطابق، انسانی پلیسینٹا کو غیر قانونی طور پر اکٹھا کر کے اس سے ‘اینٹی ایجنگ’ (عمر کے اثرات چھپانے والے) مہنگے ترین انجکشن تیار کیے جاتے تھے۔ ان انجکشنز کی پاکستانی مارکیٹ میں قیمت 7 لاکھ روپے تک بتائی جاتی ہے۔
ایف آئی اے ذرائع کا کہنا ہے کہ اس گھناؤنے کاروبار میں ملوث نیٹ ورک کا سراغ لگاتے ہوئے لاہور، پشاور اور راولپنڈی میں مبینہ ایجنٹس کی نشاندہی کر لی گئی ہے۔ اس کے ساتھ ہی کسٹمز اور ویسٹ مینجمنٹ کمپنیوں کے کردار کی بھی باقاعدہ تحقیقات کا آغاز کر دیا گیا ہے، جبکہ کسٹمز اہلکاروں کے اس غیر قانونی عمل میں ممکنہ طور پر ملوث ہونے کے پہلو کا بھی باریک بینی سے جائزہ لیا جا رہا ہے۔
حیرت انگیز انکشافات پر مبنی اس تحقیقات کے مطابق، حال ہی میں ویتنام بھیجی جانے والی 100 کلوگرام ہیومن پلیسینٹا کی ایک بھاری کھیپ کو موقع پر ہی روک لیا گیا تھا، جبکہ مختلف ہسپتالوں سے ہر ماہ تقریباً 200 کلوگرام پلیسینٹا غیر قانونی طور پر اکٹھا کیا جاتا تھا۔ ذرائع ایف آئی اے کے مطابق، اس کیس کے تمام پہلوؤں پر تفصیلی تحقیقات تیزی سے جاری ہیں اور اس گھناؤنے کاروبار اور اسمگلنگ میں ممکنہ طور پر ملوث تمام افراد کے خلاف سخت قانونی کارروائی عمل میں لائی جائے گی۔
متعلقہ عنوانات
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا
19 November 2026
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
19 November 2026
عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع
19 November 2026
مشرق وسطیٰ میں کشیدگی کے باوجود خلیجی ممالک محفوظ ترین ممالک میں سرفہرست
19 November 2026
اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی
19 November 2026
سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں
19 November 2026
ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد
19 November 2026
سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے
19 November 2026