محبت کا پیغام لیے امریکی مرد و خاتون نیویارک ایمپائر سٹیٹ بلڈنگ کے اینٹینا پر چڑھ گئے

امریکہ میں محبت اور امن کا پیغام لیے ایک مرد اور خاتون سوشل میڈیا انفلوئنسر نیویارک کی مشہورِ زمانہ ‘ایمپائر اسٹیٹ بلڈنگ’ کے اینٹینا پر چڑھ گئے، جنہیں بعد ازاں پولیس نے حراست میں لے لیا۔ خبر رساں ادارے کے مطابق، دونوں نے چہرے پر ماسک پہن کر 1400 فٹ کی خطرناک بلندی پر جا کر امن کا ایک بینر لہرایا، جس پر لکھا تھا: “جب محبت کی طاقت، طاقت کی محبت پر غالب آ جائے گی تو دنیا امن کا گہوارہ بن جائے گی”۔ اس مہم جوئی کا مقصد جہاں دنیا کی توجہ حاصل کرنا تھا، وہیں اس بلندی پر بینر لہرانے کے بعد مرد نے روایتی انداز اپناتے ہوئے خاتون کو شادی کی پیشکش (پروپوز) بھی کی۔