پنجاب میں 9 لاکھ کسان کارڈ جاری، 360 ارب روپے کے بلاسود قرضے فراہم
Web Desk
1 July 2026
وزیراعلیٰ پنجاب مریم نواز شریف کی زیر صدارت محکمہ زراعت کا ایک اعلیٰ سطح کا اہم اجلاس منعقد ہوا، جس میں صوبے کے کاشتکاروں کے لیے جاری ‘وزیراعلیٰ کسان کارڈ پروگرام’ اور ‘زرعی میکانائزیشن’ کے تاریخی منصوبوں کا تفصیلی جائزہ لیا گیا۔
اجلاس کے دوران حکام نے بریفنگ دیتے ہوئے بتایا کہ پنجاب میں اب تک 9 لاکھ کسان کارڈ جاری کیے جا چکے ہیں، جبکہ اس پروگرام کا دائرہ کار مزید بڑھاتے ہوئے اس میں 50 ہزار نئے کاشتکاروں کو شامل کر لیا گیا ہے اور اب یہ مجموعی تعداد 10 لاکھ کے بڑے ہدف کی جانب تیزی سے گامزن ہے۔
بریفنگ میں انکشاف کیا گیا کہ کسان کارڈ کے تحت کاشتکاروں کو اب تک 360 ارب روپے کے بلاسود قرضے فراہم کیے جا چکے ہیں۔ سب سے خوش آئند بات یہ رہی کہ کسانوں کو دیے گئے ان قرضوں کی واپسی (ریکوری) کی شرح ریکارڈ 99 فیصد رہی ہے۔ کسانوں نے جاری کردہ ان قرضوں کا 80 فیصد حصہ براہِ راست کھادوں کی خریداری کے لیے استعمال کیا۔ مزید بتایا گیا کہ خریف کی فصل کے لیے 116 ارب روپے کے قرضے مختص کیے گئے تھے، جن میں سے 62 ارب روپے استعمال ہو چکے ہیں اور کسانوں نے اس رقم کا 75 فیصد حصہ خالصتاً کھاد پر خرچ کیا۔
اجلاس میں مریم نواز شریف کو بتایا گیا کہ نامور بین الاقوامی آڈٹ فرم ‘KPMG’ کسان کارڈ پروگرام کے زراعت پر مثبت اثرات سے متعلق اپنی تفصیلی رپورٹ 30 ستمبر تک پیش کرے گی، جس کے بعد اس انقلابی پروگرام کی عالمی سطح پر تشہیر بھی کی جائے گی۔ وزیراعلیٰ نے اس موقع پر اظہارِ خیال کرتے ہوئے کہا کہ ہم نے پنجاب کے کسان کو محض نعروں سے نہیں بلکہ عملی اقدامات کے ذریعے حقیقی معنوں میں بااختیار (Empower) کیا ہے۔ اجلاس میں پنجاب کی تاریخ کے سب سے بڑے ٹریکٹر پروگرام کی تفصیلات بتاتے ہوئے حکام نے کہا کہ صوبہ بھر میں تین مراحل کے دوران 34 ہزار گرین ٹریکٹرز کسانوں میں تقسیم کیے جا رہے ہیں۔ ڈیٹا کے مطابق ٹریکٹر حاصل کرنے والے 41 فیصد کاشتکار ایسے ہیں جنہیں زندگی میں پہلی بار اپنا ٹریکٹر ملا ہے۔ 20فیصد کسانوں نے ٹریکٹر کے ساتھ ساتھ جدید زرعی آلات بھی خریدے ہیں۔ 32 فیصد کاشتکار اب دیگر چھوٹے کسانوں کو سروس پرووائیڈر کے طور پر خدمات فراہم کر کے اپنا روزگار کما رہے ہیں۔
وزیراعلیٰ مریم نواز شریف نے عزم کا اعادہ کرتے ہوئے کہا کہ پنجاب کی تاریخ میں پہلی بار تین سال کے قلیل عرصے کے دوران کسانوں کو 50 ہزار ٹریکٹرز دیے جائیں گے، ماضی کی کسی حکومت نے اتنی بڑی تعداد میں ٹریکٹرز فراہم نہیں کیے۔ انہوں نے واضح کیا کہ شفافیت کو یقینی بنانے کے لیے ٹریکٹرز کی تقسیم کے پورے طریقہ کار سے انسانی مداخلت کو مکمل طور پر ختم کر کے اسے 100 فیصد کمپیوٹرائزڈ کر دیا گیا ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026