امریکی نیوی نے بحیرہ عرب میں لاپتہ اہلکار کی تلاش روک دی

امریکی نیوی حکام نے تصدیق کی ہے کہ بحیرہ عرب میں لاپتہ ہونے والے نیوی اہلکار کی تلاش کا آپریشن باقاعدہ طور پر روک دیا گیا ہے۔

امریکی نیوی کے مطابق یہ اہلکار یکم جولائی کو بحیرہ عرب میں پیش آنے والے ایک ہیلی کاپٹر حادثے کے بعد سے لاپتہ تھا۔ لاپتہ اہلکار امریکی بحری جہاز “یو ایس ایس جارج ایچ ڈبلیو بش” (USS George H.W. Bush) پر تعینات تھا۔

نیوی حکام کا مزید کہنا تھا کہ واقعے کے فوری بعد بڑے پیمانے پر ریسکیو آپریشن شروع کیا گیا اور لاپتہ اہلکار کو 102 گھنٹوں تک مسلسل تلاش کیا گیا، تاہم تمام تر کوششوں کے باوجود اس کا کوئی سراغ نہیں مل سکا۔ جس کے بعد اب مزید تلاش روکنے کا فیصلہ کیا گیا ہے۔