ٹرمپ نے کہا وٹکوف، جیرڈ کشنر دوبارہ ماسکو آنے کیلئے تیار ہیں: ترجمان کریملن

ترجمان کریملن نے انکشاف کیا ہے کہ امریکی صدر ڈونلڈ ٹرمپ اور روسی صدر ولادیمیر پیوٹن کے درمیان ایک اہم ٹیلیفونک گفتگو ہوئی ہے، جس میں صدر ٹرمپ نے کہا ہے کہ ان کے نمائندے اسٹیو وٹکوف اور جیرڈ کشنر دوبارہ ماسکو آنے کے لیے تیار ہیں۔

ترجمان کریملن کے مطابق دونوں رہنماؤں کے درمیان یہ ٹیلیفونک گفتگو تقریباً ڈیڑھ گھنٹے تک جاری رہی، جس میں مختلف عالمی اور علاقائی امور پر تفصیلی تبادلہ خیال کیا گیا۔ ترکیہ میں ہونے والے نیٹو سمٹ کے تناظر میں بات کرتے ہوئے امریکی صدر نے یوکرین جنگ کے حل میں مدد کی پیشکش کی اور کہا کہ وہ اس لڑائی کے جلد خاتمے کے لیے کام کرنے کو تیار ہیں۔

دوسری جانب، روسی صدارتی محل (کریملن) کے ترجمان کا کہنا تھا کہ روس بھی اس تنازع کے سیاسی اور سفارتی حل کا خواہاں ہے، تاہم اس مقصد کے لیے روس کے بنیادی مؤقف کو مدنظر رکھا جانا انتہائی ضروری ہے۔