LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع مشرق وسطیٰ میں کشیدگی کے باوجود خلیجی ممالک محفوظ ترین ممالک میں سرفہرست اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا سعودیہ کی حوثی باغیوں کیخلاف مہم آئندہ سال تک طویل کرنے کی تیاری بلغاریہ میں پانچ سال تک بڑے سائبر حملوں، ہیکنگ آپریشن کا انکشاف صدر پوتن اور شی جن پنگ کے درمیان مذاکرات مفید اور بامقصد رہے، روسی صدارتی معاون مغربی سینیگال کے ساحل پر تارکین وطن کی کشتی الٹنے سے ایک شخص ہلاک عجمان میں پہلے عالمی میڈیا فورم 2026ء کا انعقاد، 17 ممالک کے 68 مقررین شریک

عمران خان کی اہلیہ نے اپنے شوہر کے خلاف قتل کا مقدمہ درج کروا دیا

Web Desk

5 July 2026

کراچی کے علاقے ڈیفنس میں نجی ٹی وی کی اینکر پرسن ماہ نور کی خالہ حمیرا کے قتل کے الزام میں پولیس نے اینکر کے شوہر عمران خان کے خلاف قتل کا مقدمہ درج کر کے اسے گرفتار کر لیا ہے۔

درخشاں تھانے میں درج ایف آئی آر کے مطابق، ڈیفنس کھڈا مارکیٹ کی رہائشی اور نجی ٹی وی کی اینکر پرسن ماہ نور زوجہ عمران خان نے پولیس کو بیان ریکارڈ کرایا کہ 3 جولائی کو وہ اپنی خالہ حمیرا، بڑی بہن بسمہ اور 9 سالہ بیٹے شاریز کے ساتھ گھر پر موجود تھیں کہ شام ساڑھے چھ بجے ان کے شوہر عمران خان نے گھر میں داخل ہوتے ہی گالم گلوچ اور مار پیٹ شروع کر دی۔ میاں بیوی کے درمیان پہلے ہی ناراضی چل رہی تھی اور ملزم مسلسل جان سے مارنے کی دھمکیاں دے رہا تھا۔

ایف آئی آر کے متن کے مطابق، جب ماہ نور کی خالہ اور بہن نے بیچ بچاؤ کی کوشش کی تو ملزم عمران خان طیش میں آ گیا اور اس نے فون کر کے اپنے دوست شاہد کو پستول لانے کا کہا۔ شاہد نے موقع پر پہنچ کر پستول عمران کے حوالے کی، جس نے گولی چیمبر کر کے ماہ نور پر تان لی۔ خالہ حمیرا اور بہن بسمہ کے مسلسل روکنے اور آگے آنے پر ملزم نے پیچھے نہ ہٹنے کی صورت میں سب کو جان سے مارنے کی دھمکی دی اور ضد کرنے پر غصے میں آ کر 45 سالہ خالہ حمیرا پر گولی چلا دی، جس سے وہ شدید زخمی ہو کر گر گئیں۔

واقعے کے بعد ملزم عمران اور اس کا دوست شاہد زخمی خاتون کو گاڑی میں ڈال کر جناح اسپتال کے ایمرجنسی وارڈ لے گئے، جہاں انہیں تشویشناک حالت میں چھوڑ کر دونوں موقع سے فرار ہو گئے۔ بعدازاں، حمیرا زخموں کی تاب نہ لاتے ہوئے جاں بحق ہو گئیں۔

درخشاں پولیس نے مدعیہ ماہ نور کے بیان پر ان کے شوہر عمران خان اور دوست شاہد کے خلاف دفعہ 302 (قتلِ عمد) کے تحت مقدمہ درج کر لیا ہے۔ پولیس حکام کا کہنا ہے کہ مرکزی ملزم عمران خان کو گرفتار کر کے تفتیش شروع کر دی گئی ہے جبکہ دوسرے ملزم کی گرفتاری کے لیے چھاپے مارے جا رہے ہیں