LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
ایران سے معاہدہ کل دستخط کے لیے تیار ہے، آبنائے ہرمز سب کے لیے کھول دی جائے گی: ڈونلڈ ٹرمپ امریکا کے ساتھ معاہدے پر اتوار کو دستخط نہیں ہوں گے، ایران دھمکیوں، دباؤ اور منفی پروپیگنڈے سے نہیں ڈریں گے، مومنہ اقبال بجٹ میں نئے ٹیکس اقدامات، متعدد روزمرہ اشیاء مہنگی ہونے کا امکان صورتحال اچھی نہیں، امتحان سے گزر رہے ہیں: وزیراعظم آزاد کشمیر فیصل راٹھور صرف اپنے لیے کھیلنے والوں کی قومی ٹیم میں کوئی جگہ نہیں، محسن نقوی کا دوٹوک مؤقف سپریم کورٹ آف پاکستان کے لیے نئے وفاقی بجٹ میں ساڑھے 7 ارب روپے کے قریب رقم مختص برآمدات میں اضافہ اور ٹیکس اصلاحات حکومت کی ترجیح ہیں، وزیر خزانہ وزیراعظم بتائیں عمران خان سے ملاقات کیوں نہیں ہورہی؟ خدا کے لیے فوج کے نام پر سیاست بند کریں؛بیرسٹر گوہر بھارتی ایئرفورس کا ایک اور جنگی طیارہ حادثے کا شکار معاشی وسائل صوبوں کا حق، این ایف سی میں بلوچستان کا حصہ سو فیصد بڑھا دیا: وزیراعظم سپریم جوڈیشل کونسل نے ججز کے ضابطہ اخلاق میں اہم ترامیم کی منظوری دے دی البینزم سے متاثرہ افراد کے لیے محبت اور احترام کا دائرہ وسیع کرنا ہوگا،مریم نواز سکیورٹی فورسز کی میران شاہ میں کارروائیاں، مزید 21 دہشت گرد ہلاک قیام امن اور دہشت گردی کیخلاف جنگ میں فیڈرل کانسٹیبلری کا کردار اہم ہے، محسن نقوی

دنیا بھر میں میٹا ایپ کے صارفین کو استعمال میں مشکلات

Web Desk

13 June 2026

سوشل میڈیا کمپنی ’میٹا‘ کے زیرِ انتظام چلنے والے مقبول ترین عالمی پلیٹ فارمز فیس بک، انسٹاگرام اور میسنجر کی سروسز اچانک ڈاؤن ہو گئی ہیں، جس کے باعث دنیا بھر میں کروڑوں صارفین کو ان ایپس کے استعمال میں شدید مشکلات کا سامنا ہے۔

صارفین کے ڈیجیٹل پلیٹ فارمز تک رسائی کی مانیٹرنگ کرنے والی عالمی ویب سائٹ ڈاؤن ڈیٹیکٹر (Downdetector) کے مطابق، پاکستانی وقت کے مطابق شام تقریباً 6 بج کر 40 منٹ کے قریب دنیا بھر سے ہزاروں صارفین نے فیس بک اور انسٹاگرام کی سروسز یکایک متاثر ہونے کی شکایات درج کروائیں۔

 آؤٹیج کی سب سے بڑی اور پریشان کن خصوصیت یہ سامنے آئی کہ فیس بک اور میسنجر کے فعال اکاؤنٹس صارفین کی سکرینز سے خود بخود (Session Expired) ہو کر لاگ آؤٹ ہو گئے۔ دوبارہ لاگ ان کرنے کی کوشش پر صارفین کو پاس ورڈ غلط ہونے یا ‘سرور ایرر’ کے پیغامات موصول ہو رہے ہیں۔انسٹاگرام اور فیس بک موبائل ایپ استعمال کرنے والے دیگر صارفین نے شکایت کی ہے کہ ان کی نیوز فیڈز، ریلز اور اسٹوریز مکمل طور پر بلینک (خالی) ہو چکی ہیں اور نئی پوسٹس لوڈ نہیں ہو رہیں۔

 “میٹا کے تینوں بڑے نیٹ ورکس بیک وقت جام ہونے کے فوراً بعد صارفین کی ایک بہت بڑی تعداد نے متبادل مائیکرو بلاگنگ پلیٹ فارم ‘ایکس’ (سابقہ ٹویٹر) کا رخ کر لیا، جہاں #FacebookDown اور #InstagramDown کے ہیش ٹیگز سیکنڈز میں ٹاپ ٹرینڈ بن گئے ہیں، اور صارفین اپنی مشکلات کے اسکرین شاٹس اور میمز شیئر کر رہے ہیں”۔تکنیکی ماہرین کا کہنا ہے کہ یہ خرابی میٹا کے مرکزی بیک اینڈ سرورز یا ڈومین نیم سسٹم (DNS) میں کسی بڑی خرابی کی وجہ سے ہو سکتی ہے۔ میٹا انتظامیہ کی جانب سے سرورز کی بحالی اور اس عالمی تکنیکی خرابی کی باقاعدہ وجہ سے متعلق تاحال کوئی باضابطہ اعلامیہ سامنے نہیں آیا ہے۔