اڈیالہ جیل میں بانی پی ٹی آئی اور بشریٰ بی بی کا طبی معائنہ: پمز کے ڈاکٹروں نے ٹیسٹ کیے

راولپنڈی کی اڈیالہ جیل میں قید پاکستان تحریک انصاف (پی ٹی آئی) کے بانی اور ان کی اہلیہ بشریٰ بی بی کا پمز ہسپتال کے ڈاکٹروں پر مشتمل میڈیکل ٹیم نے طبی معائنہ کیا ہے۔ ذرائع کے مطابق پمز ہسپتال کے ڈاکٹر عارف کی سربراہی میں طبی ٹیم شام گئے اڈیالہ جیل پہنچی، جسے جیل ہسپتال کے عملے کی معاونت حاصل تھی۔ طبی ٹیم نے بانی پی ٹی آئی کے بلڈ پریشر، نبض، حرارتِ جسم اور عمومی صحت کا جائزہ لیا، صحت سے متعلق سوالات کیے اور ان کی جاری ادویات کے استعمال کے حوالے سے ہدایات جاری کیں۔ ٹیم نے بشریٰ بی بی کا بھی تفصیلی طبی معائنہ کیا، جس کے بعد دونوں شخصیات کو واپس اپنے سیلز میں منتقل کر دیا گیا اور طبی ٹیم جیل سے روانہ ہو گئی۔