دفاعی بجٹ وفاق کی ذمہ داری ہے، صوبوں پر بوجھ نہ ڈالا جائے: بیرسٹر گوہر
Web Desk
10 June 2026
اسلام آباد: چیئرمین پاکستان تحریک انصاف بیرسٹر گوہر علی خان نے کہا ہے کہ دفاعی بجٹ پورا کرنا وفاق کی آئینی ذمہ داری ہے اور اسے کسی صورت صوبوں پر منتقل نہیں کیا جا سکتا۔
پارلیمنٹ ہاؤس میں میڈیا سے گفتگو کرتے ہوئے انہوں نے کہا کہ دفاعی بجٹ کوئی سیاسی معاملہ نہیں بلکہ ایک آئینی، قانونی اور ادارہ جاتی ذمہ داری ہے، جس کی تکمیل وفاقی حکومت کے فرائض میں شامل ہے۔
بیرسٹر گوہر نے کہا کہ اگر دفاعی ضروریات کے لیے دو کھرب روپے بھی درکار ہوں تو اس کا بندوبست وفاق کو خود کرنا ہوگا، صوبوں پر اضافی مالی بوجھ ڈالنا درست نہیں۔
انہوں نے وفاقی حکومت پر تنقید کرتے ہوئے کہا کہ گزشتہ چار سال میں ایف بی آر اصلاحات مؤثر انداز میں نہیں کی جا سکیں، جبکہ روپے کی قدر میں کمی اور معاشی بدانتظامی حکومت کی ناکامی کو ظاہر کرتی ہے۔
چیئرمین پی ٹی آئی نے کہا کہ پنشن، سرکاری اخراجات اور دیگر اصلاحاتی وعدے بھی پورے نہیں کیے گئے، جبکہ ریٹیل، رئیل اسٹیٹ اور زرعی شعبے میں بھی خاطر خواہ اصلاحات سامنے نہیں آئیں۔
انہوں نے کہا کہ اٹھارویں آئینی ترمیم کے بعد صوبوں کے حصے میں کمی ممکن نہیں، اور این ایف سی ایوارڈ کے تحت صوبائی حصے میں کسی قسم کی کمی غیر آئینی ہوگی۔
بیرسٹر گوہر نے کہا کہ وفاق اپنی ناکامیوں کا بوجھ صوبوں پر منتقل نہ کرے اور دفاعی اخراجات کے لیے دباؤ ڈالنے کے بجائے اپنے اخراجات میں کمی کرے۔
انہوں نے مزید کہا کہ ٹیکنیکل کمیٹیاں آئینی مسائل کا حل فراہم نہیں کر سکتیں اور عوام یہ سوال کر رہے ہیں کہ چار سال میں معاشی اصلاحات کیوں نہیں کی گئیں۔
متعلقہ عنوانات
پاکستان اور ترکیہ کی دوستی کے نئے باب کا آغاز، توانائی کے معاہدوں پر دستخط
20 November 2026
کیمرے والے اسمارٹ گلاسز کی درآمد کیلئے مشروط اجازت مل گئی
20 November 2026
الیکشن کمیشن: عطاء تارڑ کیخلاف ضابطۂ اخلاق کی خلاف ورزی کیس کا فیصلہ محفوظ
20 November 2026
چاند کی مٹی میں آلو اگانے کا کامیاب تجربہ
20 November 2026
بابا گرونانک کے 557 ویں جنم دن کی تقریبات، 3 ہزار سکھ یاتریوں کو ویزے جاری
20 November 2026
سری لنکا کے خلاف ٹیسٹ سیریز میں کامیابی، وزیراعظم شہباز شریف کی قومی ٹیم کو مبارکباد
20 November 2026
علیمہ خان کی نظر بندی سے متعلق درخواست جلد سماعت کے لیے منظور
20 November 2026
چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق
20 November 2026