مشرقِ وسطیٰ جنگ کے اثرات؛ عالمی منڈی میں یوریا کھاد کی قیمتیں 14 سال کی بلند ترین سطح پر پہنچ گئیں

مشرقِ وسطیٰ میں جاری جنگ کے باعث عالمی سطح پر زرعی اجناس اور کھادوں کی قیمتوں میں زبردست اضافہ دیکھنے میں آ رہا ہے۔ ایک تحقیقی ادارے کی رپورٹ کے مطابق، اپریل 2026 میں عالمی منڈی میں یوریا کی قیمتوں میں ریکارڈ 70 فیصد تک اضافہ ہوا، جس کے بعد اس کی فی ٹن قیمت 889 ڈالر تک پہنچ گئی ہے۔ رپورٹ میں بتایا گیا ہے کہ یہ گزشتہ 14 سالوں کی بلند ترین سطح ہے، جبکہ گزشتہ دہائی کے دوران یوریا کی اوسط عالمی قیمت 360 ڈالر فی ٹن کے لگ بھگ رہی تھی۔

بین الاقوامی مارکیٹ میں غیر معمولی اضافے کے باوجود، پاکستان کے لیے خوش آئند بات یہ ہے کہ مقامی سطح پر یوریا کی قیمتیں عالمی قیمتوں کے مقابلے میں اب بھی کافی حد تک مستحکم ہیں۔ ریسرچ ادارے کے مطابق، پاکستان میں یوریا اس وقت عالمی منڈی کے نرخوں سے تقریباً 65 فیصد ڈسکاؤنٹ پر ٹریڈ ہو رہا ہے، جس سے مقامی کسانوں کو عالمی سطح پر آنے والے اس بڑے معاشی جھٹکے سے کسی حد تک تحفظ ملا ہوا ہے۔