کینیڈا کے آسمان پر پراسرار روشنی نے کھلبلی مچادی، ویڈیو وائرل

کینیڈا کے صوبے برٹش کولمبیا میں آسمان پر آہستہ آہستہ حرکت کرتی ایک عجیب و غریب روشن شکل دیکھ کر شہری حیرت زدہ رہ گئے، اور سوشل میڈیا پر اسے یو ایف او یا خلائی مخلوق سے جوڑا جانے لگا۔ یہ روشنی سیکڑوں کلومیٹر تک دیکھی گئی جو آسمان میں بکھرتی ہوئی محسوس ہو رہی تھی۔ تاہم ماہرینِ فلکیات نے جلد ہی اس معمے کو حل کرتے ہوئے بتایا کہ یہ منظر دراصل اسپیس ایکس (SpaceX) کے فالکن 9 راکٹ کی لانچنگ کے نتیجے میں پیدا ہونے والا “جیلی فش ایفیکٹ” (Jellyfish Effect) تھا۔ بلند فضا میں راکٹ کے دھوئیں پر سورج کی روشنی پڑنے سے یہ مخروطی اور روشن شکل بنی، جو دیکھنے والوں کے لیے حیرت کا باعث بنی۔